წინამდებარე ნაშრომში განხილულია ISO 21001 მართვის სტანდარტიზებული სისტემა
საგანმანათლებლო ორგანიზაციებისათვის, რომელიც, პროცესებზე ორიენტირების გზით,
ძირითადი ბენეფიციარებისა და სხვა დაინტერესებული მხარეების მოთხოვნების
დაკმაყოფილების შესაძლებლობას იძლევა. კვლევის მიზანია ISO 21001 სტანდარტის
აღწერა და შეფასება საქართველოს ზოგადი განათლების სისტემის კონტექსტში.
ამისათვის, ნაშრომში სტრუქტურირებულადაა განხილული ISO 21001 სტანდარტი,
აღწერილია მისი ძირითადი პრინციპები და შესწავლილია ამ საკითხზე ბოლო 2 წლის
განმავლობაში გამოცემული სამეცნიერო სტატიები. ქართული კონტექსტის შესასწავლად,
განხილულია საკანონმდებლო ბაზა, მიმდინარე სახელმწიფო პროგრამები, რომლებიც
მიმართულია სკოლებში ხარისხის კულტურისა და მართვის ეფექტური სისტემის
დამკვიდრებისაკენ. ზოგადსაგანმანათლებლო დაწესებულებების მზაობის
შესაფასებლად, ISO 21001 სტანდარტის იმპლემენტაციის კუთხით, გამოიკითხა 206
საჯარო და კერძო სკოლის დირექტორი. მიღებული შედეგების საშუალებით, ნაშრომში
აღწერილია სისტემის ფაქტობრივი მდგომარეობა სტანდარტის დასანერგად
